Lideri suprem i Iranit, Ali Khamenei, ka thënë të premten se beteja kundër Izraelit është detyrë publike e shtetit, ndërsa u ka bërë thirrje shteteve myslimane që ta vazhdojnë betejën ndaj izraelitëve, të cilët i ka quajtur grup terrorist që po vret palestinezët.
Elitën politike të Izraelit, Khamenei e ka quajtur regjim që duhet shtypur si pjesë e betejës kundër terrorizmit.
Irani vazhdon të përkrah grupet militante të Palestinës dhe Libanit, të cilat kundërshtojnë paqen me shtetin hebre që nuk njihet nga Irani.
Zyrtarët iranianë kanë bërë thirrje për fundin e Izraelit, duke nisur një referendum që do të përjashtonte hebrenjtë dhe krijimin e shtetit të Palestinës.
