Këshilltari i presidentit të Ukrainës, Mykhailo Podolyak, ka thënë se “ky është vetëm fillimi” për shpërthimin mbi urën e vetme që lidh gadishullin e Krimesë me Rusinë, në orët e para të së shtunës.
Megjithatë, Podolyak nuk e ka marrë në mënyrë direkte përgjegjësinë se Ukraina e ka kryer veprimin, raportoi BBC-ja të shtunën.
“Çdo gjë ilegale duhet të shkatërrohet, çdo gjë e vjedhur duhet t’i kthehet Ukrainës, çdo territor i okupuar duhet të çlirohet”, ka shkruar ai në Twitter.
Zyrtarët rusë kanë thënë se zjarri i madh mbi urë u shkaktua nga shpërthimi i një kamioni.
Krimea u aneksua në vitin 2014 nga Rusia, e cila tani përdor urën për të lëvizur pajisjet ushtarake në Ukrainë.
Edhe
Ukraina insiston të shkatërrojë urën që lidh Krimenë me Rusinë
Ministria e Mbrojtjes e Ukrainës e krahasoi shpërthimin e urës me fundosjen e kryqëzorit të raketave të Rusisë Moskva në prill.
