Policia në Greqi ka arrestuar një 37-vjeçar, i cili po mbante në dorë një pushkë gjuetie, përballë ndërtesës së parlamentit, njoftoi Associated Press të martën.
Një oficer grek i ka thënë AP-së se incidenti i së martës ka zgjatur pak më shumë se një orë, por që askush nuk është lënduar.
Oficeri, i cili ka folur në kushte anonimiteti, ka thënë se negociatorët policorë janë përfshirë në ngjarje dhe se rrjedha e trafikut rreth ndërtesës së Parlamentit është ndryshuar deri në zgjidhjen e rastit.
Ky është incidenti i dytë i sigurisë te ndërtesa e parlamentit grek në shtatë muajt e fundit.
Tetorin e vitit të kaluar, një 58-vjeçar është arrestuar, pasi drejtoi një kamionçinë në një trotuar përpara parlamentit. Policia hoqi më pas nga kamioni një bombol gazi për ngrohje dhe një enë bosh benzine.
-
Arrestohet në Pejë i dyshuari për sulm, policia i gjen tri armë dhe 250 fishekë
-
Ndalohet një 75-vjeçar në Kaçanik për shtënie me armë
-
Të shtëna dhe zjarr në një tendë afër Parlamentit të Serbisë në Beograd
-
Arrestohet 47-vjeçari në Ferizaj, dyshohet se iu gjet pushka me shtatë fishekë
-
Arrestohet një 24-vjeçar në Vushtrri, shtiu me armë drejt shtëpisë së një personi