Kryeministri britanik, Boris Johnson deklaroi sot para presidentit francez, Emmanuel Macron se dëshironte një marrëveshje për Brexitin duke shtuar se ishte inkurajuar shumë nga takimi një ditë më parë me kancelaren gjermane, Angela Merkel.
“Dëshiroj një marrëveshje”, deklaroi Johnson për shtypin. “Mendoj që mund të kemi një marrëveshje dhe një marrëveshje të mirë”.
Kancelarja gjermane, Angela Merkel paralajmëroi dje për pasojat ekonomike të një Bexit-i pa marrëveshje, para një takimi me Boris Johnson, i cili kërkon një rihapje të negociatave me Bashkimin Evropian, por që synon të largohet nga blloku çfarëdo që të ndodhë më 31 tetor, transmeton atsh.
“Perspektiva e daljes së shpejtë të Britanisë së Madhe, kombinuar me tensionet tregtare ndërkombëtare na japin ‘dhimbje koke’”, theksoi kancelarja gjermane në një konferencë shtypi mbi aeronautikën në Lajpcig, ndërkohë që ekonomia gjermane, ashtu si ajo e gjithë Evropës, po përballet me vështirësi.
-
Pak para Brexit-it, Johnsoni thotë se Britania mund t’i braktisë bisedimet
-
Bllokada rreth Brexit-it: Johnson dhe Leyen intervenojnë për kapërcimin e ngërçit rreth ujdisë
-
Johnson: Britania të bëhet “gati” për mundësinë e mosarritjes së marrëveshjes tregtare me BE-në
-
Macron do që BE-ja të tregohet e prerë me Britaninë
-
Johnsoni nuk tërhiqet, thotë se marrëveshja e tij është mundësia e vetme