Japonia premton ndihmë 5.5 miliardë dollarësh për Ukrainën

Kryeministri i Japonisë, Fumio Kishida, ka thënë se Japonia do t’i ofrojë Ukrainës një ndihmë financiare në vlerë 5.5 miliardë dollarëshe, ndërsa po afrohet njëvjetori i pushtimit rus të Ukrainës, raporton BBC.

Japonia i ka dhënë Ukrainës 600 milionë dollarë, si dhe ndihmë financiare qindra miliona dollarë, është thënë nga Kishida.

Kishida, duke folur në një simpozium të një think tanku në Tokio, ka thënë: “Ka ende nevojë për të asistuar njerëzit jetesa e të cilëve është shkatërruar nga lufta, dhe po ashtu duhet rindërtuar infrastruktura e shkatërruar”.

Ai po ashtu ka njoftuar se Japonia do të jetë nikoqire e videokonferencës së liderëve të G7 me presidentin ukrainas Volodymyr Zelensky të premten, në njëvjetorin e fillimit të pushtimit rus të Ukrainës.