Një grup aktivistësh, përfshirë aktivisten suedeze Greta Thunberg, të cilët u ndaluan në një anije ndihmash e cila kishte destinacion Gazën, janë dërguar në një aeroport të Tel Avivit për depërtim, tha Izraeli të martën.
Anija që mbante 12 persona që përpiqeshin të dërgonin ndihma humanitare në Gaza, u tërhoq në qytetin portual izraelit të Ashdodit të hënën, pasi u sekuestrua nga forcat izraelite në orët e para të mëngjesit, shkruan BBC.
Izraeli tha se pasagjerët kishin mbërritur në aeroportin Ben Gurion për t’u kthyer në vendet e tyre të origjinës.
“Ata që refuzojnë të nënshkruajnë dokumente deportimi dhe të largohen nga Izraeli do të sillen para një autoriteti gjyqësor”, ka thënë Ministria e Jashtme izraelite në një postim në X.
Grupi i aktivistëve që operon me anijen, tha se të gjithë aktivistët do të lejohen të fluturojnë nga Tel Avivi.
Organizatorët thanë se Madleen synonte të sillte një sasi “simbolike” ndihmash në Gaza në kundërshtim me një bllokadë detare izraelite. Ata thanë se anija u kap nga forcat izraelite në ujërat ndërkombëtare.
Ndihmat në bordin e Madleen përfshin oriz dhe formulë për foshnje, tha FFC.
Qytetarë të Brazilit, Francës, Gjermanisë, Holandës, Spanjës, Suedisë dhe Turqisë ishin në bordin e anijes - midis tyre Rima Hassan, anëtare franceze e Parlamentit Evropian, dhe Omar Faiad, një gazetar francez i Al Jazeeras.
Anija u nis nga Italia më 1 qershor për të rritur ndërgjegjësimin për kushtet e urisë në Gaza dhe për të shpërndarë ndihma.
Izraeli thotë se bllokada e tij ndaj Gazës është e nevojshme për të parandaluar që armët të arrijnë luftëtarët e Hamasit atje.
