Italia nga e mërkura ka nisur të kërkojë certifikatën e vaksinimit nga të gjithë udhëtarët me qëllim që të parandalojë përhapjen e koronavirusit. Ligji që u miratua para katër javësh, do të vlejë për fluturimet dhe udhëtimet tokësore ndërmjet rajoneve italiane. Autobusët lokalë, tramvajet dhe metrotë do të përjashtohen nga ky ligj.
Fillimi i respektimit të ligjit ka nxitur reagime nga italianët që në javët e fundit me protesta kanë kundërshtuar certifikatën e vaksinimit. Protesta janë paralajmëruar edhe gjatë ditëve të ardhshme. Disa prej protestave që u mbajtën në Romë dhe Milano ishin të dhunshme.
Qeveria të mërkurën ka premtuar se do t’i arrestojë të gjithë protestuesit që kanë kërcënuar me bllokimin e linjave hekurudhore nëpër Itali. Deri më tani, 70 për qind e italianëve janë vaksinuar plotësisht, mirëpo ekspertët janë të shqetësuar se personat mes moshave 50 deri në 69 vjeç nuk janë vaksinuar ende.
-
Italia me “supërpasaportë të gjelbër” për udhëtarët
-
Italianëve të pavaksinuar u ndalohet transporti publik
-
Federata italiane e futbollit kërkon vaksinim të lojtarëve
-
Policia italiane shtyp protestën ndaj pasaportës së vaksinimit
-
Italia ashpërson masat, “pasaporta e gjelbër” me detyrim për të gjithë punonjësit