Në Francë Gjykata Kushtetuese hapi rrugën të premten që ish-presidenti Nicolas Sarkozy të gjykohet për financimin e dyshuar të paligjshëm të fushatës së tij të dështuar për t’u rizgjedhur, në vitin 2012.
Sarkozy e kishte apeluar vendimin në këtë gjykatë, duke iu referuar atij që njihet si parimi i “rrezikut të dyfishtë”, pasi ai ishte dënuar në vitin 2013 dhe ishte urdhëruar të paguante një shumë prej 360 mijë eurosh për shkelje të rregullave mbi financimin e fushatës.
Por të premten, gjykata vendosi se dënimi për të cilin Sarkozy ishte urdhëruar të paguante një shumë parash në vitin 2013-të, kishte të bënte me një tjetër shkelje, shkruan VOA.
Rasti tani varet nga gjykata më e lartë e apelit në vend (Cour de Cassation) ku Sarkozy ka paraqitur një ankim tjetër. Nëse edhe ky ankim refuzohet, çështja do t’u kthehet prokurorëve, të cilët do të vendosin nëse ai duhet të gjykohet apo jo.
Nëse po, 64 vjeçari Nicolas Sarkozi do të ishte presidenti i parë francez në bankën e të akuzuarve që nga koha e Jacques Chiracut, paraardhësi i tij që drejtoi vendin nga 1995 deri në 2007. Në vitin 2011 Jacques Chirac u dënua për keqpërdorim të fondeve publike dhe iu dha një dënim me kusht.
-
Sarkozy shpallet fajtor për financim ilegal të fushatës të vitit 2012
-
Nis gjyqi ndaj Sarkozys për financim ilegal të fushatës
-
Ish-presidenti francez në gjyq për parregullsitë në fushatën e vitit 2012
-
Sarkozy humb apelin në rastin e financimit të paligjshëm të fushatës
-
Konfirmohet dënimi ndaj Sarkozyt për financim të paligjshëm të fushatës zgjedhore