Një ish-gjeneral kanadez, i cili u raportua se shkoi në Ukrainë për të luftuar pushtuesit rusë, është akuzuar në Kanada për sulm seksual, pas një hetimi disa mujor, raportoi të enjten The Guardian.
Gjenerali në pension, Trevor Cadieu, përballet me dy akuza për sulme seksuale që kanë të bëjnë me incidente të supozuara në Kolegjin Ushtarak Mbretëror të Kanadasë në Kingston, Ontario në vitin 1994 kur ai ishte kadet, tha në një deklaratë zyra e Forcave Kanadeze.
Cadieu ishte emëruar për të udhëhequr ushtrinë kanadeze shtatorin e kaluar, por emërimi u tërhoq për shkak të hetimit për sulmet seksuale.
Ai akuzohet se ka përdhunuar një studente në kolegj. Më herët, pati mohuar akuzat.
Në prill të vitit 2021, ushtria pati raportuar në parlament për 581 sulme seksuale dhe 221 incidente të ngacmimeve seksuale që nga viti 2015.
-
Gjenerali i lartë i NATO-s vlerëson “strategjinë e shkëlqyeshme” të Ukrainës në luftë
-
Rrëfimet e burrave ukrainas, viktima të dhunës seksuale nga rusët
-
Izraeli pretendon se pati përdhunime dhe abuzime seksuale gjatë sulmit të Hamasit më 7 tetor
-
Komisioni Hetimor i mbështetur nga OKB-ja, zbulon prova të mjaftueshme për krimet ruse në Ukrainë
-
Kanadaja ofron pakon ushtarake prej 650 milionë dollarësh për Ukrainën