Irani paralajmëron sulm ndaj SHBA-së nëse përpiqet të hyjë në Ngushticën e Hormuzit

Ushtria e Iranit ka thënë se do të sulmojë forcat amerikane nëse ato hyjnë në Ngushticën e Hormuzit, pas njoftimit të presidentit amerikan, Donald Trump, se do të realizojë operacion për të nxjerrë anijet e bllokuara nga rruga ujore.

Një deklaratë nga kreu i komandës qendrore të Iranit thotë se do të sulmojë “çdo forcë të armatosur të huaj” që përpiqet të afrohet ose të hyjë në ngushticë, veçanërisht ushtrinë “agresive” amerikane, raportoi BBC-ja.

Gjenerali Ali Abdollahi ka thënë se Irani ka deklaruar në mënyrë të përsëritur se ngushtica “është nën kontrollin” e forcave të armatosura iraniane dhe kalimi i sigurt nëpër të duhet të koordinohet me Iranin “në të gjitha rrethanat”.

Ushtria amerikane ka paralajmëruar se shkatërrues me raketa, mbi 100 aeroplanë me bazë tokësore dhe detare e edhe 15 mijë anëtarë të shërbimit do ta mbështesin “Project Freedom”.