Irani mbështet Libanin në bisedimet e armëpushimit, kërkon t’i jepet fund konfliktit

Irani do ta mbështesë çdo vendim të marrë nga Libani në bisedimet për të siguruar armëpushim me Izraelin, tha të premten një zyrtar i lartë iranian, duke sinjalizuar se Teherani dëshiron ta shohë fundin e një konflikti që i ka dhënë goditje të rënda aleatit të tij libanez, Hezbollahut.

Ali Larijani, këshilltar i udhëheqësit suprem të Iranit, foli gjatë një vizite në Bejrut gjersa Izraeli vazhdoi bombardimet e zonave të kontrolluara nga Hezbollahu në kryeqytetin libanez.

E ambasadorja e SHBA-së në Liban, Lisa Johnson, ia paraqiti një projekt-propozim armëpushimi të enjten kryetarit të parlamentit të Libanit, Nabih Berri, i cili mbështetet nga Hezbollahu për të negociuar, thanë për Reuters dy burime të larta politike libaneze.

Drafti është propozimi i parë me shkrim i Uashingtonit për të ndalur luftimet midis aleatit të tij Izraelit dhe Hezbollahut të mbështetur nga Irani.