Holanda ka raportuar 35 mijë raste pozitive me COVID-19 në 24 orët e fundit, numri më i lartë i të infektuarve që nga fillimi i pandemisë.
Rritja e testeve pozitive vjen ndërsa kryeministri Mark Rutte po përgatitet për një konferencë shtypi të premten në mbrëmje, ku pritet të lehtësojë masat si rihapjen e shumicës së dyqaneve, parukierëve dhe palestrave.
Restorantet dhe baret thuhet se do të përjashtohen nga rihapja. Në Holandë janë rritur presionet kundër bllokimit mes protestave të shumta të cilat kanë kundërshtuar masat e marra nga Qeveria.
Holanda ka regjistruar 3.500.915 raste dhe 21.142 viktima që nga fillimi i pandemisë.
