Hamasi të premten ka pranuar propozimin nga ndërmjetësuesit për lirimin e një pengu të gjallë amerikano-izraelit si dhe katër trupa me shtetësi të dyfishtë që kanë vdekur pasi janë marrë peng, ka raportuar agjencia e lajmeve “AP”.
Zyra e kryeministrit izraelit ka shprehur dyshime rreth ofertës, duke akuzuar Hamasin për përpjekje për të manipuluar bisedimet në Katar për fazën tjetër të armëpushimit Hamas-Izrael.
Grupi militant në Rripin e Gazës nuk e ka specifikuar menjëherë se kur do të bëhet lirimi i ushtarit Edan Alexander dhe katër trupave, ose çfarë do të kërkojë në këmbim.
Alexander ishte 19 vjeç kur është kidnapuar nga baza e tij në kufi me Gazën në jug të Izraelit gjatë sulmit të Hamasit më 7 tetor të 2023-s.
Artikuj të ngjashëm
-
Hamasi pritet të kthejë të martën edhe një trup pengu izraelit
-
Hamasi do të kthejë të enjten edhe një trup pengu izraelit
-
Hamasi kthen edhe katër trupa pengjesh izraelite
-
Hamasi thotë se do t’i kthejë të martën edhe katër trupa pengjesh
-
Raportohet se Izraeli po e analizon propozimin e pranuar nga Hamasi për armëpushim