Një grua që është lënduar rëndë gjatë protestës në Birmani kundër grusht-shtetit, është në gjendje kritike, raporton BBC.
Ajo është lënduar në protestën e të martës në kryeqendër Nay Pyi Taw, ku policia kishte përdorur ujë, plumba gome dhe plumba të vërtetë për të shpërndarë protestuesit.
Grupet e të drejtave të njeriut thuan se gruaja është qëlluar në kokë.
Ka pasur raportime për lëndime serioze, ndërsa policia ka vazhduar ta rrisë përdorimin e forcës, mirëpo nuk është raportuar ende për viktima.
Dhjetëra mijëra protestues kanë dalë në rrugë për të kundërshtuar grusht-shtetin, ku liderja Aung San Suu Kyi është rrëzuar javën e kaluar nga froni dhe është arrestuar.
Protestuesit janë mbledhur përkundër tubimeve masive dhe orës policore.
Edhe
Katër të vrarë në protestat e së shtunës në Birmani
Demonstratat kanë rifilluar sot në mëngjes, për ditën e pestë rresht.
Sipas Human Rights Watch, një mjek nga spitali ku është trajtuar gruaja e plagosur, ka treguar se ajo ka humbur një pjesë të madhe të funksionit të trurit. Ai ka thënë se duket se gruaja është qëlluar nga një plumb i vërtetë. Gruaja është në kujdes intensiv.
Një protestues tjetër ka marrë lëndim të rëndë në gjoks.
