Kryeministri grek, Kyriakos Mitsotakis, ka thënë se shteti i tij është i gatshëm ta rindërtojë spitalin e maternitetit të bombarduar në qytetin ukrainas të Mariupolit.
“Greqia është gati të rindërtojë spitalin e maternitetit në Mariupol, qendra e minoritetit grek në Ukrainë, një qytet i dashur për zemrat tona dhe simbol i barbarisë së luftës”, ka shkruar ai në Twitter.
Presidenti ukrainas, Volodymyr Zelensky, e ka dënuar sulmin rus mbi spitalin dhe e ka cilësuar si “gjenocid”.
“Një spital për fëmijë, një i maternitetit. Si e kërcënoi Rusinë kjo? Çfarë është ky shtet që ia ka frikën spitaleve dhe po i shkatërron”, pati shkruar Zelensky.
Greece is ready to rebuild the maternity hospital in Mariupol, the center of the Greek minority in Ukraine, a city dear to our hearts and symbol of the barbarity of the war.
— Prime Minister GR (@PrimeministerGR) March 18, 2022