Kritiku i Kremlinit, Alexei Navalny është duke u përballur me akuza të reja për ekstremizëm të cilat mund ta mbajnë të burgosur për dekada, shkruan BBC.
Ai aktualisht është duke vuajtur një dënim prej 9 vjetësh burgim për shkelje të lirimit me kusht, mashtrim dhe përbuzje të gjykatës.
Ai dhe mbështetësit e tij insistojnë që arrestimi dhe dënim i tij në vitin 2021 ishte i motivuar politikisht.
Gjykimi i ri do të fillojë të hënën në gjykatën penale ku ai është duke u mbajtur, 250 kilometra në lindje të Moskës.
Navalny është duke u ballafaquar me një numër të madh të akuzave duke përfshirë krijimin e një grupi ekstremist dhe për financimin e aktiviteteve ekstremiste.
Gjyqi aktual ka nisur më 6 qershor, po deri më tani janë zhvilluar vetëm çështje procedurale prapa dyerve të mbyllura.
Edhe
Opozitari rus, Alexei Navalny, dënohet edhe me 19 vjet burgim
Nga e hëna pritet që gjyqi të jetë publik, megjithatë në të nuk do të lejohen të marrin pjesë gazetarët, thanë avokatët e tij.
Navalny u helmua me agjentin nervor, Noviçok, gjatë një udhëtimi për në Siberi verën e vitit 2020. Ai ka akuzuar presidentin rus, Vladimir Putin, dhe shërbimet e inteligjencës së Rusisë se qëndrojnë prapa helmimit. Pas trajtimit mjekësor në Gjermani, ai u kthye në Rusi. Me të arritur në Rusi ai u arrestua.
Organizatat ndërkombëtare të të drejtave të njeriut thonë se Navalny është i burgosur politik.
