Gjykata Supreme ka rrëzuar tarifat globale të presidentit amerikan Donald Trump të premten, duke ia hedhur poshtë një nga çështjet kyçe në agjendën e tij ekonomike.
Kjo gjykatë ka vendosur që ligji emergjent për fuqitë ekonomike nuk ia lejon presidentit të vendosë tarifa të tilla.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrumpi fillimisht pati prezantuar tarifa kundër mallrave nga Kina, Meksika e Kanadaja. Kjo pati ndodhur në shkurt të vitit të shkuar. E më pas në prill, ai pati shkuar në shkallë prej 10 deri në 50 për qind ndaj mallrave të pothuajse çdo shteti të botës.
Edhe Kosova ishte një nga shtetet e prekura me tarifë prej 10 për qind. E më 1 gusht, Kosova ia hoqi tarifën 10 për qind ndaj mallrave amerikane.
Sipas Trumpit, deficiti tregtar amerikan, ku SHBA-ja importon më shumë se që eksporton – shpërfaq “kërcënim të jashtëzakonshëm”.
Këtu përfshihet edhe tarifa reciproke që Trumpi ua pati vendosur shteteve që kishin tarifa ndaj produkteve amerikane.
Nga vendimi nuk janë prekur tarifat për industrinë e çelikut, aluminit, drurit dhe automobilave, që janë zbatuar në kuadër të ligjit për zgjerim të tregtisë, dhe si arsye kanë përmendur shqetësimet për sigurinë kombëtare.
Pas vendimit të kësaj gjykate, tregjet ndërkombëtare të aksioneve menjëherë kanë përjetuar ngritje.
Nuk tërhiqet Trumpi, zotohet për tarifë të re
Photo: Associated Press
Presidenti i Shteteve të Bashkuara të Amerikës, Donald Trump, ka njoftuar për tarifa të reja ekonomike ndaj shteteve të tjera të botës, pak pasi Gjykata Supreme ia rrëzoi tarifat e mëhershme.
Duke folur para gazetarëve të premten, Trump e cilësoi vendimin si “thellësisht zhgënjyes” dhe ka thënë se ndihet i turpëruar nga “disa anëtarë të gjykatës”, të cilët sipas tij “nuk patën guximin të bëjnë atë që është e drejtë për vendin tonë”.
Trump ka njoftuar se s’do të tërhiqet nga tarifat dhe do të vendosë tarifë 10 për qind në nivel botëror, në kuadër të ligjeve të tjera.
Ai akuzoi Gjykatën Supreme se është “e ndikuar nga interesa të huaja”, ndërsa theksoi se rasti kishte rëndësi të veçantë për të.
“Kjo ishte një çështje e rëndësishme për mua”, u shpreh ai.
Trump përmendi edhe fitoren e tij në zgjedhjet e vitit 2024, duke theksuar se kishte fituar “me miliona vota”, por sipas tij, disa gjyqtarë janë “arrogantë, injorantë dhe të zëshëm”, si dhe të frikësuar për të marrë vendime që ai i konsideron të drejta.
Megjithatë, presidenti amerikan deklaroi se ka metoda të tjera ligjore për të vendosur tarifa, përtej asaj që u hodh poshtë nga gjykata.
Ai mbrojti politikat e tij tregtare, duke pretenduar se tarifat e vendosura gjatë vitit të fundit kanë ndikuar në forcimin e ekonomisë amerikane. Sipas tij, indekset kryesore të bursës, përfshirë Dow Jones Industrial Average dhe S&P 500, kanë arritur nivele rekord së fundmi.
Në fund, Trump kritikoi edhe fituesit e Çmimit Nobel në Ekonomi, duke thënë se ata kishin pohuar se politika të tilla nuk mund të japin rezultate brenda katër vjetësh.
“Epo, ne e bëmë për një vit”, deklaroi ai.