Gjermania të premten i ka hapur rrugë futjes së një kartele debiti të veçantë që kufizon se si dhe ku mund të shpenzojnë azilkërkuesit paratë që marrin, një kthesë drejt një politike më të rreptë për emigrantët.
Tre grupet parlamentare të qeverisë së koalicionit të kancelarit Olaf Scholz kanë rënë dakord për projektligjin që do të shkojë për votim në dhomën e ulët të parlamentit, pasi të Gjelbrit e mbështetën draftin pas disa muaj negociatash.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShtetet federale të Gjermanisë, disa prej të cilave kanë prezantuar kartela të tilla në mënyrë të pavarur, nxitën legjislacionin në nivel kombëtar.
Kartela, e krijuar për të kontrolluar fondet e azilkërkuesve dhe për të parandaluar transferimin e parave jashtë vendit, është diskutuar prej kohësh si një mënyrë për të reduktuar shpenzimet e parave, të cilat partia që është pjesë e koalicionit qeverisës, Demokratët e Lirë (FDP) besojnë se motivojnë emigrantët të vijnë në Gjermani.
Kancelari Scholz dhe partia e tij socialdemokratët (SPD) po përpiqen të reduktojnë numrin e azilkërkuesve në mënyrë që të ulin mbështetjen e votuesve për Alternativën për Gjermaninë (AfD) të ekstremit të djathtë.