Gjenden të vdekur pesë skiatorë në Zvicër

Pesë skiatorë janë gjetur të vdekur pranë malit Rimpfischhorn të Zvicrës të dielën, pasi shërbimet e urgjencës u alarmuan një ditë më parë për disa ski të braktisura në një lartësi prej rreth 4,000 metrash, ka thënë në një deklaratë zyra e prokurorit në Kantonin Valais.

Punonjësit e shpëtimit gjetën trupat pranë akullnajës Adlergletscher, pas kërkimeve ajrore dhe tokësore në zonën në jugperëndim të Zvicrës, pranë kufirit me Italinë veriore, raporton Reuters.

Identiteti i pesë personave ende nuk është konfirmuar dhe hetimet e mëtejshme kanë nisur, kanë thënë prokurorët.

Rimpfischhorn është një mal 4,199 metra që shtrihet në lindje të Zermatt, pranë kufirit italian, dhe është i popullarizuar nga skiatorët e vendit.