Pothuajse saktësisht 12 vjet nga dita që kur Barack Obama autorizoi bastisjen në Pakistan që vrau Osama bin Ladenin, një sasi e fotografive të papara më parë të ngjarjeve në Shtëpinë e Bardhë rreth bastisjes u mor nga Washington Post.
Imazhet e Obamës, zëvendëspresidentit të tij, Joe Biden, sekretares së shtetit, Hillary Clinton, dhe këshilltarëve kryesorë ushtarakë dhe civilë nënvizuan rrezikun e lartë të operacionit, tensionin teksa forcat speciale të SHBA-së kryenin misionin dhe festimet e përfundimit të tij.
Bin Laden themeloi Al-Qaidan, rrjetin terrorist që sulmoi New Yorkun dhe Uashingtonin më 11 shtator 2001, duke vrarë më shumë se 3,000 njerëz.
SHBA-ja pushtoi Afganistanin në kërkim të Bin Ladenit, por ai shmangu kapjen për gati 10 vjet përpara se të gjurmohej më në fund në një kompleks në Abbottabad, Pakistan.
Aty përfshihet një foto e Obamës, Bidenit, Klintonit dhe ndihmësve të tjerë në një dhomë të vogël të Shtëpisë së Bardhë, duke parë bastisjen në vazhdim.