Fitorja e El-Sayed dridh Partinë Demokratike

Tronditjet nga fitorja e Abdul El-Sayed në zgjedhjet paraprake për Senatin në Michigan janë ndier qindra kilometra larg, deri te udhëheqja e Partisë Demokratike.

Në një vit kur republikanët duket se po përballen me pengesa të konsiderueshme elektorale, votuesit demokratë në zgjedhjet paraprake i kanë dhënë një shans një kandidati të majtë, duke rritur rëndësinë e garës për Senatin në nëntor, e cila mund të përcaktojë kontrollin e përgjithshëm të dhomës së lartë. 
Pyetja është nëse mënyra se si El-Sayed ka elektrizuar bazën e partisë dhe ka shfrytëzuar zemërimin e tyre do të funksionojë edhe te votuesit e zgjedhjeve të përgjithshme. Dhe nëse një demokrat hapur i majtë mund të fitojë në një shtet beteje. 

Establishmenti i partisë, i cili kishte mbështetur kundërshtaren e tij, do të shpresojë që po.

Rezultatet e zgjedhjeve paraprake në pesë shtete të martën ofruan një pasqyrë të humorit të elektoratit amerikan tre muaj para zgjedhjeve afatmesme.

Ja katër përfundimet kryesore nga rezultatet.

Edhe Botë 5 qer 2026 Senati miraton 70 miliardë dollarë shtesë për zbatimin e politikave të emigracionit të Trumpit

1) Një luftëtar i ri i së majtës

Fitorja e Abdul El-Sayed të martën në garën e zgjedhjeve paraprake demokrate për Senatin në Michigan nuk ishte aspak surprizë. Ai kishte kryesuar me një epërsi komode ndaj kongresistes Haley Stevens për javë të tëra.

Megjithëse rezultati përfundimtar i parashikuar ishte shumë më i ngushtë sesa sugjeronin sondazhet, duke ngritur sërish pikëpyetje mbi saktësinë e sondazheve moderne. Por, kjo nuk i zbut valët e shokut që fitorja e ish-zyrtarit të Shëndetësisë së Michiganit po dërgon në të gjithë Partinë Demokratike.
El-Sayed, djali i imigrantëve egjiptianë, kandidoi me një platformë të majtë, me mbështetjen e figurave të njohura liberale si senatorët Bernie Sanders dhe Elizabeth Warren, si dhe kongresistes Alexandria Ocasio-Cortez.

Stevens kishte mbështetjen e udhëheqjes demokrate në Washington, një karrierë të konsoliduar si zyrtare e zgjedhur në Michigan dhe burime të mëdha financiare, përfshirë 32 milionë dollarë nga Aipac – Komiteti Amerikan për Çështjet Publike Izraelite. Grupet e jashtme e favorizuan atë ndaj El-Sayed me një raport nëntë me një.

Asgjë nga këto nuk pati rëndësi.

Në debatet dhe gjatë fushatës, El-Sayed u tregua kandidati më i talentuar dhe demokratët u dukën të hapur ndaj politikave të tij, përfshirë sigurimin shëndetësor të financuar nga Qeveria, përpjekjet për uljen e kostos së barnave, rritjen e taksave për të pasurit dhe reformën e financimit të fushatave.

Slogani i fushatës së tij – "paraja jashtë politikës, para në xhepin tuaj" – ka qenë një mesazh i zakonshëm mes kandidatëve të majtë në këtë cikël zgjedhor.

Kjo përgatit një përballje në zgjedhjet e përgjithshme kundër ish-kongresistit republikan Mike Rogers. Trump e quajti “lajm të mirë” fitoren e El-Sayedit dhe bëri sulme ndaj tij. 

Kjo do të jetë ndoshta prova më dramatike dhe me rrezikun më të madh për të parë nëse një kandidat i majtë mund të fitojë zgjedhje të përgjithshme në një shtet të vërtetë fushëbeteje.

Duke pasur parasysh ngushtësinë e fitores së El-Sayed në zgjedhjet paraprake, ai ka shumë punë përpara nëse dëshiron të bashkojë partinë para votimit të nëntorit.

Megjithëse El-Sayed pati rezultate të mira te liberalët me arsim të lartë, ai do të duhet të fitojë mbështetjen e votuesve me të ardhura më të ulëta që mbështetën Stevensin në Detroit dhe në zonat më rurale. Këta janë votues, preferencat e të cilëve sondazhet para zgjedhjeve nuk duket se i pasqyruan siç duhet.

Nëse El-Sayed humbet ndaj Rogers, kjo do të ishte një goditje e madhe për shpresat e demokratëve për të rimarrë kontrollin e Senatit amerikan, duke qenë se asnjë republikan nuk ka fituar një garë për Senatin në këtë shtet që nga viti 1994.

Megjithatë, nëse ai fiton, kjo mund t'u japë demokratëve të majtë një dëshmi se përse një kandidat presidencial i majtë në vitin 2028 mund të ketë më shumë sukses sesa kandidatët centristë të establishmentit që partia ka nominuar në garat e fundit.

Dhe duke qenë se Michigani ka një rol kyç si një nga shtetet e para në kalendarin e zgjedhjeve paraprake presidenciale të demokratëve, ky shtet do të ketë një ndikim më të madh se zakonisht në përcaktimin e kandidatit të partisë për president.

2) Disa demokratë pro-izraelitë patën një natë të keqe

Stevens ishte kandidatja më e njohur e mbështetur nga Aipac që humbi të martën në mbrëmje. Në garat më pak të ndjekura, rezultatet ishin më të përziera.

Edhe Botë 14 nën 2025 Si po i sfidon Mamdani pritjet e emigrantëve duke përqafuar identitetin e tij?

Në pjesë të tjera të Michiganit, socialdemokrati Donavan McKinney mundi deputetin aktual Shri Thanedar, i cili ka qenë një mbështetës i zëshëm i vazhdimit të ndihmës amerikane për Izraelin. Ai u bë deputeti më i fundit demokrat në Dhomën e Përfaqësuesve që u rrëzua në zgjedhjet paraprake.
William Lawrence, i cili ka kërkuar ndërprerjen e menjëhershme të shitjes së armëve amerikane për Izraelin, mposhti dy demokratë centristë në një distrikt të Dhomës së Përfaqësuesve në Michigan që pritet të jetë një fushëbetejë e rëndësishme elektorale në nëntor.
Nëse humori i votuesve demokratë është kthyer kundër politikanëve pro-izraelitë në Michigan, si dhe në garat e mëparshme në New York dhe Colorado, kjo nuk ndodhi në rezultatet e Missouri dhe Washingtonit.

Në Washington, kongresistja Marie Gluesenkamp Perez, e cila mbështet ndihmën ushtarake për Izraelin, mposhti lehtësisht një sfiduese të majtë. Ajo është një nga pak demokratët aktualë që përfaqësojnë distrikte ku presidenti aktual republikani Donald Trump fitoi në vitin 2024 – dhe do të jetë një objektiv kryesor për republikanët në nëntor.

Ndërkohë, në një distrikt fort liberal të Missourit, Wesley Bell pengoi rikthimin e Cori Bush, një prej anëtareve themeluese të "skuadrës" së kongresisteve të majta. Dy vjet më parë, ai e kishte mundur pjesërisht për shkak të kritikave të saj ndaj Izraelit.

3) Votuesit hedhin poshtë masat republikane në Midwest

Megjithëse shumica e garave të së martës ishin zgjedhje paraprake brenda partive, pati disa votime të rëndësishme që mund të tregojnë se disponimi i përgjithshëm i elektoratit vazhdon të anojë drejt demokratëve.

Në Missouri, votuesit hodhën poshtë me shumicë dërrmuese një masë në fletën e votimit që do ta bënte më të vështirë miratimin e amendamenteve kushtuese të mbështetura nga qytetarët.
Vitet e fundit, nisma të tilla të qytetarëve janë përdorur për të shtyrë përpara iniciativa demokrate që nuk kishin asnjë shans të miratoheshin në legjislaturën shtetërore të kontrolluar nga republikanët. Ato përfshijnë mbrojtjen e të drejtës për abort dhe rritjen e pagës minimale.

Ndërkohë, në Kansas, votuesit hodhën poshtë një masë që do të kërkonte që gjyqtarët e Gjykatës Supreme të shtetit të zgjidheshin me votë. Aktualisht, ata emërohen nga guvernatori dhe një komision avokatësh.

Në vitin 2024, Gjykata e Lartë e shtetit kishte vendosur se e drejta për abort mbrohej nga Kushtetuta e Kansasit – një vendim që republikanët thanë se ishte në kundërshtim me vullnetin e votuesve të shtetit.

Të dyja këto nisma u promovuan nga republikanët e shtetit dhe, në të dy rastet, u rrëzuan lehtësisht.

4) Mbështetja e Trump ende (kryesisht) ka rëndësi

Në përgjithësi ishte një natë e mirë për republikanët e mbështetur nga Donald Trumpi, të cilët siguruan disa fitore në zgjedhjet e tyre paraprake.

John James fitoi nominimin republikan për guvernator të Michiganit, pavarësisht se kundërshtari i tij i pasur shpenzoi shumë më tepër në fushatë. Trump jo vetëm që e mbështeti Jamesin, por u shfaq në skenë me të javën e kaluar.

Në Kansas, republikanët zgjodhën kandidatin e preferuar të Trump për guvernator mes një gare me shumë kandidatë. Ndërsa në garën e shtetit të Washingtonit për të zëvendësuar kongresistin republikan në largim Dan Newhouse, Amanda McKinney, kandidatja e zgjedhur nga presidenti, gjithashtu doli e para.

Newhouse, 71 vjeç, i cili po tërhiqet nga politika, ishte i njohur si një nga dy republikanët e fundit në Dhomën e Përfaqësuesve që votuan për shkarkimin e Trump pas trazirave të 6 janarit 2021 në Capitol.

Duke qenë se ky është një distrikt tradicionalisht konservator, McKinney konsiderohet favorite për të mposhtur kundërshtaren demokrate në nëntor, gjë që ka të ngjarë ta shtyjë edhe më tej djathtas grupin republikan në Dhomën e Përfaqësuesve. Ky është treguesi më i fundit se republikanët tradicionalë të establishmentit, si Newhouse, po bëhen një specie në zhdukje.

Edhe Botë 7 nën 2025 Dy ditët që zbehën aurën e pushtetit absolut të Trumpit

Por Trump nuk e pati gjithçka sipas dëshirës së tij.

Në Michigan, Thomas Smith mundi kandidatin e mbështetur nga Trump, Amir Hassan, një ish-zyrtar i zbatimit të ligjit që gjithashtu ishte shfaqur në skenë me presidentin, pavarësisht se Smith ishte tërhequr nga gara muajin e kaluar, ndërsa emri i tij kishte mbetur në fletën e votimit.