Byroja Federale e Hetimit (FBI) në SHBA është duke e kërkuar një spiun iranian të pretenduar. FBI-ja dyshon se ai është i përfshirë në komplote për të vrarë zyrtarë dhe ish-zyrtarë qeveritarë të SHBA-së, raporton “BBC” të martën.
Agjencia akuzon Majid Farahanin (42) se po komplotonte për vrasje hakmarrëse. Donte të nxjerrtë hak për vrasjen e gjeneralit iranian Qasem Soleimani.
Soleimani, komandant i forcave “Quds” të Iranit, u vra në një sulm amerikan me dron në Irak në janar të vitit 2020.
FBI-ja thotë se Farahani kishte vepruar në emër të Ministrisë së Inteligjencës së Iranit.
Në një njoftim të postuar të premten, FBI-ja tha se e kërkonte Majid Dastjani Farhanin për ta marrë në pyetje në lidhje me rekrutimin e individëve për operacione në SHBA.
Zyrtarët thanë se Farahani udhëton mes Iranit e Venezuelës dhe se ka rekrutuar aleatë për “aktivitete të mbikëqyrjes të fokusuara në objekte fetare, biznese dhe objekte tjera” në SHBA.
Edhe
Irani konfirmon vrasjen e njërit prej zyrtarëve të saj të lartë
Në dhjetor të vitit 2023, Farahani dhe një zyrtar tjetër i supozuar i inteligjencës u sanksionuan nga Thesari i SHBA-së.
BBC-ja ka kontaktuar zyrtarët iranianë në Washington e New York për të marrë një koment.
Zyrtarët iranianë janë zotuar të hakmerren për vrasjen e Soleimanit, që shihej gjerësisht si personi i dytë më i fuqishëm në Iran. Ai u vra në aeroportin e Bagdadit së bashku me disa iranianë. Urdhri për sulm ishte dhënë nga presidenti i atëhershëm i SHBA-së, Donald Trump.
-
SHBA dhe Izraeli e ndoqën Khamenein për muaj të tërë, si u vra në mes të ditës lideri iranian?
-
Irani e mohon përfshirjen në një komplot për vrasjen e Trumpit
-
Ngrihet aktakuzë ndaj një iraniani për komplot për vrasjen e Trumpit
-
Trumpi kërkon aeroplan ushtarak dhe rritje të mbrojtjes pas kërcënimeve nga Irani