Familjarët e pengjeve në Gaza bëjnë thirrje për grevë mbarëkombëtare

Familjet e pengjeve kanë bërë thirrje të dielën për një grevë mbarëkombëtare, në një përpjekje për të detyruar qeverinë izraelite të negociojë për lirimin e pengjeve ende të mbajtur rob në Gaza.

Forumi i Familjeve të Pengjeve dhe të Zhdukurve po i kërkon "publikut t'i bashkohet një demonstrate masive, duke kërkuar një ndalim të plotë të vendit dhe zbatimin e menjëhershëm të një marrëveshjeje për lirimin e pengjeve", raporton BBC.

Kjo vjen pasi ushtria izraelite gjeti trupat e gjashtë pengjeve në një tunel në qytetin jugor të Gazës, Rafah, të shtunën.

Familjarët po u kërkojnë izraelitëve të demonstrojnë në Tel Aviv të dielën.

Disa biznese po i bashkohen grevës me zinxhirin e kinemasë “Lev” dhe restorantet të cilat kanë thënë se do të mbyllen në shenjë solidariteti të dielën në mbrëmje.

Familjet dhe miqtë e pengjeve kanë mbajtur demonstrata javore antiqeveritare që kur 251 persona u kapën më 7 tetor, pasi Hamasi kreu një sulm vdekjeprurës në Izraelin jugor që vrau rreth 1200 njerëz.

Edhe Botë 7 tet 2025 Izraelitët të ndarë shënojnë dyvjetorin e nisjes së luftës në Gazë

Më shumë se 40,738 njerëz janë vrarë në Gaza që atëherë, sipas ministrisë së Shëndetësisë të territorit të Hamasit.

LEXO EDHE: