Reshje të dendura dëbore dhe erëra të forta e kanë goditur lindjen dhe veriun e Sllovakisë të dielën. Makinat u bllokuan në disa pjesë dhe rrugët ishin të pakalueshme për periudha të gjata, teksa grumbujt e borës e paralizuan edhe transportin publik.
Situata më e rëndë ka qenë në lindje të vendit, ku kanë rënë nga 15 deri në 30 centimetra borë, me 120 zjarrfikës të dërguar në vendngjarje.
Disa policë ishin gjithashtu në terren duke drejtuar trafikun. Prešov shpalli gjendjen e jashtëzakonshme me anë të një njoftimi në rrjetet sociale. Banorëve iu kërkua që të mos dilnin nga shtëpitë e tyre, përveç rasteve të jashtëzakonshme.
