Presidenti i Turqisë, Recep Tayyip Erdogan, ka diskutuar të martën me homologun e tij të Rusisë, Vladimir Putin, për konfliktin izraelito-palestinez nëpërmjet një bisede telefonike, ku është thënë se fokusi është te armëpushimi i menjëhershëm dhe rifillimi i bisedimeve, raportoi të martën Reuters.
Presidenca turke, në një deklaratë të postuar në X, e njohur më parë si Tëitter, ka thënë se të dy udhëheqësit diskutuan masat për të parandaluar rritjen e tensioneve dhe nismat për të ofruar ndihmë humanitare.
Në deklaratën e presidencës turke thuhet se Ankaraja do të vazhdojë përpjekjet e saj për të siguruar qetësinë në rajon.
Ndërsa një deklaratë e Kremlinit shpreh keqardhje për "rritjen katastrofike të vdekjeve të civilëve". Aty thuhet se konflikti mund të zgjidhej vetëm në bazë të një plani "dy shtetesh", me krijimin e një shteti palestinez me Jerusalemin Lindor si kryeqytet.
-
Kremlini: Putini riafirmon angazhimin për zgjidhje diplomatike të konfliktit në Ukrainë
-
Erdogani i thotë Putinit se Turqia po punon për një fund të drejtë të luftës në Ukrainë
-
Putini dhe Erdogani dënojnë “aktin e forcës” të Izraelit ndaj Iranit
-
Turqia e gatshme të presë negociatat Rusi-Ukrainë, thotë Erdogan
-
Erdogani i gatshëm për të ndihmuar në arritjen e një armëpushimi në Gaza