Terroristët që përpiqen të shkatërrojnë paqen dhe sigurinë në Turqi nuk do të kenë kurrë sukses, tha të dielën presidenti turk Rexhep Tajip Erdogan.
Deklarata e Erdoganit erdhi pasi dy policë u plagosën kur një nga dy terroristët hodhi në erë veten para objektit të Ministrisë së Brendshme në kryeqytetin turk, Ankara, të dielën, raporton “Anadoly Agency”.
Në fjalimin e tij në Parlamentin e Turqisë, Erdogan tha se akti i sotëm terrorist, në të cilin u neutralizuan dy kriminelë falë ndërhyrjes në kohë të policisë, ishte një “valë e fundit e terrorizmit”.
Dy policë kanë pësuar lëndime të lehta kur njëri nga dy terroristët hodhi veten në erë në Ankara të dielën në mëngjes, ndërsa terroristi tjetër u “neutralizua” nga forcat e sigurisë në hyrje.
Policët e plagosur janë ende duke u trajtuar dhe lëndimet e tyre janë jashtë rrezikut për jetën, sipas ministrit të brendshëm turk Ali Yerlikaya.
Zyra e Kryeprokurorit Publik të Ankarasë nisi një hetim për sulmin terrorist.
Edhe
Kurti reagon për sulmin e të dielës në Turqi, u uron shërim të shpejtë policëve të lënduar
Në lidhje me sulmin, Gjykata Penale e Paqes e Ankarasë ka lëshuar një ndalim të hyrjes dhe publikimit në media.
