Emisari i Trumpit e lavdëron Zelenskyn, pas gjithë kritikave të SHBA-së ndaj tij

I dërguari special i SHBA-së në Ukrainë, Keith Kellogg, i ka quajtur bisedimet me presidentin ukrainas, Volodymyr Zelensky, si “pozitive”.

“Diskutime të gjerësishme dhe pozitive me Zelenskyn, liderin e guximshëm të një vendi në luftë dhe ekipin e tij të talentuar të sigurisë kombëtare”, ka shkruar ai në rrjetet sociale.

Lavdërimi i Kelloggit për Zelenskyn bie në kundërshtim me atë që është dëgjuar nga presidenti amerikan, Donald Trump, dhe disa anëtarë të tjerë të administratës së tij, të cilët e kanë sulmuar me pretendime mashtruese ose e kanë kritikuar për komentet e tij publike, raportoi Guardian.

Kellogg ka shkruar një ditë pasi konferenca e përbashkët me Zelenskyn u anulua në minutën e fundit, pasi u raportua se kështu kërkoi pala amerikane.

Trumpi e ka quajtur Zelenksyn “diktator”, duke kërkuar që në Ukrainë të mbahen zgjedhje. Pas injorimit nga SHBA-ja duke mos u ftuar në bisedimet në Riad, Zelensky ka deklaruar se Trumpi po jeton në një hapësirë keqinformimi të krijuar nga Rusia.