Fermerët në Spanjë u janë bashkuar homologëve të tyre evropianë në organizimin e protestave në të gjithë vendin, shkruan BBC të martën.
Ashtu si fermerët nëpër shtetet e tjera, ata kërkojnë më shumë fleksibilitet nga Bashkimi Evropian, kontrolle më të forta mbi prodhimet e vendeve jo anëtare të BE-së dhe më shumë ndihmë nga qeveria e tyre.
Në disa rajone, fermerët spanjollë bllokuan rrugët dhe shkaktuan ndërprerje të gjata trafiku.
Një protestë e madhe në qendër të Madridit është planifikuar për në fund të këtij muaji.
Fermerët dolën në rrugët e zonave bujqësore në brendësinë veriore të Spanjës, duke ngarë traktorët në autokolona, duke valëvitur flamujt spanjollë dhe duke mbajtur pankarta në duar.
Edhe
Franca e Spanja po përballen me zjarre masive, mijëra të evakuuar
Fermerët spanjollë kanë ankesa të ngjashme sikur ata në Francë, Belgjikë, Holandë, Itali dhe vende të tjera që kanë protestuar kohët e fundit.
Ata thonë se rregulloret që janë pjesë e Politikës së Përbashkët Bujqësore të BE-së (CAP), së bashku me kostot e larta të karburantit dhe energjisë, e bëjnë të vështirë për ta të nxjerrin fitim.
