Siguria është rritur në bazën ajrore të NATO-s në Geilenkirchen, Gjermani, që nga mbrëmja e së enjtes. Stafit joesencial i është thënë që të shkojnë në shtëpi.
Niveli i dytë më i lartë i sigurisë, “Charlie”, është shpallur në këtë bazë dhe arsyeja është se ka pasur informacion për një kërcënim të mundshëm, raportoi “Tagesschau”.
Media gjermane shkruan se niveli i sigurisë “Charlie” nënkupton se një incident ka ndodhur ose se ka informacion që jep indikacione për një akt terrorist të mundshëm kundër NATO-s apo personelit. Bazat e tjera ushtarake në Gjermani nuk janë prekur.
Zëdhënësi i bazës ajrore, Christian Brett, ka thënë se ky nivel sigurie është i pazakontë dhe se nuk është parë në Geilenkirchen për vite.
“Ky nuk është shkak për shqetësim dhe është masë paraprake për t’u siguruar se mund të vazhdojnë operacionet tona”, ka thënë ai.
Në këtë bazë ajrore janë të vendosur avionët e vëzhgimit të Sistemeve të Paralajmërimit dhe Kontrollit Ajror të NATO-s (AWACS).
-
Baza e NATO-s në Gjermani ngriti sigurinë për shkak të një kërcënimi me dron, raporton Reuters
-
Bazat amerikane në Evropë përgatiten për sulm të mundshëm terrorist
-
Dyshime për dron në Gjermani, ndërpritet përkohësisht trafiku ajror në Nuremberg
-
Lituania mbylli aeroportin e Vilniusit, ngrit avionë të NATO-s në ajër pas dyshimeve për dronë
-
Gjermania forcon Inteligjencën, heq kufizimet për agjencitë e saj