Dy persona janë vrarë dhe tre të tjerë janë plagosur në një sulm me dron ukrainas në Novorossiysk, një qytet në rajonin jugor të Krasnodarit të Rusisë, të mërkurën, ka thënë Guvernatori Veniamin Kondratyev në një deklaratë.
Dronët goditën qendrën e qytetit "në mes të ditës", ka thënë Kondratyev, duke shtuar se pesë ndërtesa banimi dhe një hotel janë dëmtuar, raporton AP.
Ndërtesa e zyrave të Konsorciumit të Gazsjellësit Kaspik (CPC) në Novorossiysk është goditur gjithashtu.
Dy punëtorë janë dërguar në spital me lëndime, ka thënë kompania në një deklaratë.
CPC-ja është një projekt i madh ndërkombëtar për ndërtimin dhe funksionimin e një tubacioni nafte që transporton naftë nga Kazakistani dhe Rusia në terminalin detar në Novorossiysk.
Artikuj të ngjashëm
-
Sulmohet Shën Petersburgu në një sulm të madh me dronë ukrainas
-
Katër të vrarë në Rusi nga sulmet ukrainase
-
Shkon në 17 numri i të vrarëve nga sulmet e reja ruse mbi Ukrainë
-
Rusia lëshon mbi 400 dronë, vriten katër persona
-
Vazhdojnë sulmet në Ukrainë dhe Rusi në prag të bisedimeve të paqes në Gjenevë