Një djalosh 17-vjeçar nga Anglia, e që ishte zhdukur në Spanjë më 2017, është gjetur shëndosh e mirë në Francë, kanë bërë të ditur autoritetet të enjten.
Adoleshenti Alex Batty u gjet në qytetin e Revelit, të mërkurën në mëngjes.
Gjashtë vjet më pas, atëkohë 11-vjeçari ishte në pushim me nënën dhe gjyshin kur u zhdukën në Spanjë.
Një burim policor i ka thënë BBC-së se Alexi është dërguar në një stacion policie nga një motorist.
Djaloshi ka thënë se ka qenë në Francë për dy vjet, sipas burimit, që ka shtuar se i ngjante shumë fotografisë së fundit të Alexit.
Edhe
Djaloshi anglez që u gjet pas 6 vjetësh në Francë thotë se e kishte kidnapuar e ëma
Anglezi ishte shëndosh e mirë dhe nuk ka treguar nëse ka qenë i keqtrajtuar në ndonjë mënyrë.
Gjyshja e tij – dhe kujdestarja ligjore – Susan Caruana pati thënë për BBC-në më 2018 se besonte që nëna dhe gjyshi i Alexit e kishin dërguar për të jetuar në një vend në Marok.
