Të paktën 10 emigrantë kubanë që ishin fshehur në një kamion mallrash kanë vdekur pasi automjeti u përmbys në një autostradë në shtetin jugor meksikan të Chiapas.
Aksidenti ndodhi pranë kufirit të Guatemalës, raportoi AFP duke cituar zyrtarë lokalë të sigurisë.
Të paktën 17 të tjerë u plagosën, thanë zyrtarët lokalë, duke shtuar se një nga viktimat ishte një fëmijë. Një raport tha se të gjitha ishin femra.
Ky ishte aksidenti i dytë fatal në më pak se një javë që përfshin emigrantë.
Shoferi i kamionit, i cili nuk është projektuar për të transportuar kaq shumë njerëz, u largua nga vendi i aksidentit, tha Instituti Kombëtar i Migracionit (INM) në një deklaratë.
Edhe
Të paktën 21 të vdekur nga aksidenti mes tri automjeteve në Meksikë
“Sipas raportimeve të para, drejtuesi i mjetit ka qenë me shpejtësi, ka humbur kontrollin e automjetit dhe është përmbysur”, shton INM.
Asindeti ndodhi në një pjesë të autostradës përgjatë bregut të Paqësorit, të cilin emigrantët e përdorin shpesh në përpjekje për të arritur në SHBA.
