Duke zbritur deri në 40 metra nën Detin Baltik, tuneli më i gjatë në botë do të lidhë Danimarkën dhe Gjermaninë, duke ulur kohën e udhëtimit midis dy vendeve kur të hapet në vitin 2029.
Pas më shumë se një dekade planifikimi, ndërtimi filloi në tunelin Fehmarnbelt në vitin 2020. Ai po pret gjithashtu edhe fabrikën që së shpejti do të ndërtojë 89 seksionet masive të betonit që do të përbëjnë tunelin, shkruan CNN-i të martën.
“Pritja është që linja e parë e prodhimit të jetë gati në fund të vitit ose në fillim të vitit të ardhshëm”, tha Henrik Vincentsen, CEO i Femern A/S, nga kompania shtetërore daneze përgjegjëse për projektin.
Tuneli, i cili do të jetë 18 kilometra i gjatë, është një nga projektet më të mëdha të infrastrukturës në Evropë, me buxhet ndërtimi prej mbi 7 miliardë euro. Për krahasim, tuneli i Kanalit Le Mans, 50 kilometra i gjatë e që lidh Anglinë dhe Francën, i përfunduar në 1993, kushtoi 13.6 milionë dollarë në vlerën e sotme.
Ai do të ndërtohet përgjatë Brezit Fehmarn, një ngushticë midis ishullit gjerman Fehmarn dhe ishullit danez të Lollandit dhe është projektuar si një alternativë ndaj shërbimit aktual të trageteve nga Rodby dhe Puttgarden, i cili transporton miliona pasagjerë çdo vit. Aty ku kalimi tani zgjat 45 minuta me traget, do të duhen vetëm shtatë minuta me tren dhe 10 minuta me vetureë.
Tuneli, emri zyrtar i të cilit është Fehmarnbelt Fixed Link, do të jetë gjithashtu tuneli më i gjatë i kombinuar rrugor dhe hekurudhor kudo në botë. Ai do të përbëhet nga dy autostrada me dy korsi, të ndara nga një kalim shërbimi dhe dy shina hekurudhore të elektrizuara.
“Sot, nëse do të bëni një udhëtim me tren nga Kopenhaga në Hamburg, do t'ju duheshin rreth katër orë e gjysmë”, thotë Jens Ole Kaslund, drejtor teknik në Femern A/S, kompania shtetërore daneze përgjegjëse për projektin. “Kur të përfundojë tuneli, i njëjti udhëtim do të zgjasë dy orë e gjysmë. Sot shumë njerëz fluturojnë midis dy qyteteve, por në të ardhmen do të jetë më mirë të merrni vetëm trenin”, shton ai.
Edhe
Një tunel rekord po ndërtohet nën det nga Danimarka në Gjermani
I njëjti udhëtim me makinë do të jetë rreth një orë më i shpejtë se sot, duke marrë parasysh kohën e kursyer duke mos u rreshtuar për në traget.
Përveç përfitimeve për trenat dhe makinat e pasagjerëve, tuneli do të ketë një ndikim pozitiv në kamionët e mallrave dhe trenat, thotë Kaslund, sepse krijon një rrugë tokësore midis Suedisë dhe Evropës Qendrore që do të jetë 160 kilometra më e shkurtër se sot.
Për momentin, trafiku midis gadishullit Skandinav dhe Gjermanisë nëpërmjet Danimarkës mund të marrë tragetin përmes Fehmarnbelt ose një rrugë më të gjatë përmes urave midis ishujve të Zelandës, Funen dhe gadishullit Jutland.
