Komediani amerikan, Bill Cosby, ka dalë nga burgu të mërkurën, pasi Gjykata e Lartë në Pennsylvania ia ka shfuqizuar dënimin për sulm seksual dhe ka urdhëruar lirimin e tij të menjëhershëm.
Këtë vendim gjykata e ka marrë me justifikimin se ai nuk është dashur të paditej, pasi kishte arritur marrëveshje për mospersekutim me prokurorin e mëhershëm të qarkut, më se 15 vjet më parë.
Vendimi për lirim është marrë pasi që 83-vjeçari Cosby ka vuajtur më shumë se tre vjet nga dënimi i tij me 10 vjet heqje lirie, në një burg afër Philadelphias.
Ai ishte shpallur fajtor për drogimin dhe keqpërdorimin e ish-basketbollistes, Andrea Constand, në vitin 2004. Më herët ai ishte akuzuar nga dhjetëra gra për sulme seksuale, porse ishte ndjekur penalisht vetëm rreth rastit të basketbollistes.
Dënimi i tij në vitin 2018 ishte cilësuar si një moment historik për lëvizjen #MeToo. Komediani njihej për rolin në serinë televizive të viteve 80, “The Cosby Show” dhe cilësohej si “Babai i Amerikës”.
-
Bill Cosby lirohet nga burgu
-
Cosby shpallet fajtor për sulm seksual e drogim, viktima dëmshpërblehet me 59 mln dollarë
-
Bill Cosby shpallet fajtor për sulm seksual
-
Timothy Busfield do të lirohet nga burgu teksa pret gjyqin për akuza për abuzim seksual
-
Kevin Spacey shpallet i pafajshëm në akuzat për sulme seksuale ndaj katër burrave