Sulmet ruse në Donbas janë reduktuar, me ç’rast përparimet janë të vogla, ndonëse pozicioni i Rusisë aktualisht është në aksin Bakhmut, njofton Inteligjenca britanike të dielën.
Britania e Madhe, në raportin e përditshëm, i hodhi poshtë pretendimet e ministrit të Jashtëm, Sergei Lavrov, se Rusia ka zgjeruar “fushën e operacionit special ushtarak”.
“Më 20 korrik 2022, ministri i Jashtëm rus, Sergei Lavrov, tha se Rusia ka zgjeruar fushën e ‘operacionit të saj special ushtarak’ përtej Republikave të vetëshpallura të Luhanskut dhe Donetskut. Kjo me siguri nuk është e vërtetë. Rusia nuk e ka ‘zgjeruar’ luftën e saj. Mbajtja e kontrollit afatgjatë të këtyre zonave ishte pothuajse qëllim origjinal i pushtimit”, thuhet në njoftimin britanik.
Deklarimet e Lavrovit, Britania e Madhe po i konsideron si hapje e rrugës për referendum.
Javë më parë, Rusia paralajmëroi referendume popullore në republikat e vetëshpallura në Donetsk e Luhansk, me qëllim që “zyrtarisht” të ndahen nga Kievi.
-
Rusia akuzon Evropën për zgjatjen e luftës në Ukrainë: Po bëhet kërcënim për paqen
-
Kryediplomati rus thotë se procesi i paqes për Ukrainën ka ngecur
-
Kremlini vlerëson se Evropa është përfshirë direkt në luftën në Ukrainë
-
Britania dërgon ushtrinë për të penguar nëndetëset ruse nga ujërat e saj
-
Putin: Ukraina tani kontrollon vetëm 15% të Donetskut