Përfaqësuesi i Lartë i BE-së për Politikë të Jashtme dhe Siguri, Josep Borrell, ka thënë se angazhimi më i rëndësishëm i sigurisë që BE-ja do të mund ta bënte për Ukrainën, është ta anëtarësojë atë në bllok, raporton "The Guardian".
Borrell ka folur të dielën në Konferencën e Sigurisë në Munchen.
Ai tha se çështjet më të rëndësishme gjeopolitike me të cilat përballet BE-ja sot lidhen me Ukrainën, Gazën, jugun global – si dhe me mbrojtjen.
“Ne duhet të rrisim dhe t’i ofrojmë Ukrainës angazhime të sigurisë. Dhe angazhimi më i rëndësishëm i tillë do të ishte anëtarësimi i Ukrainës në BE”, tha Borrell.
Borrell ka paralajmëruar se “duhet të shqyrtohen skenarë të ndryshëm rreth asaj se sa e angazhuar do të jetë SHBA-ja në sigurinë evropiane”.
Ish-presidenti i SHBA-së, Donald Trump, në një deklarim bërë disa ditë më parë, kishte thënë se do ta “inkurajonte Rusinë” t’i sulmonte aleatët e NATO-s që nuk përmbushin zotimet për shpenzime për mbrojtje.
-
Borrell kërkon fonde shtesë për Ukrainën në forumin BE-Ukrainë
-
Borrell: S’duam ushtri evropiane, por një shtyllë mbrojtëse brenda NATO-s
-
BE-ja u kërkon anëtarëve më shumë armatim për Ukrainën
-
Borrell: Ukrainës i duhen më pak duartrokitje, e më shumë armë
-
Liderët evropianë theksojnë se siguria për Ukrainën do të thotë siguri për Evropën