Shefi i politikës së jashtme të Bashkimit Evropian tha të martën se nuk ka zgjidhje për problemet globale pa pjesëmarrjen e Kinës.
Duke iu drejtuar Parlamentit Evropian në Strasburg, Josep Borrell u tha ligjvënësve se Evropa nuk duhet të ndalë angazhimin me Kinën, pavarësisht se sfidave që po paraqet shteti komunist për Perëndimin. Ai e përshkroi Kinën si një superfuqi "në rritje", me ndikim në rritje në çështjet globale.
“Pesha e saj politike po rritet dhe atraktiviteti i saj për shumë vende jugore është i pamohueshëm. Ne nuk duhet të refuzojmë të bashkëpunojmë me Kinën në zgjidhjen e problemeve të mëdha globale vetëm, sepse Kina nuk është një demokraci”, shtoi ai.
Borrell tha gjithashtu se është në interesin e BE-së të mbrojë Tajvanin, por duhet ta bëjë këtë "pa i hedhur benzinë zjarrit".