Raundi i radhës i bisedimeve bërthamore mes Shteteve të Bashkuara dhe Iranit, i paraparë të mbahej të dielën, është anuluar. Këtë e ka bërë të ditur ministri i Jashtëm i Omanit, Badr Albusaidi.
“Bisedimet mes Iranit dhe SHBA-së që ishte planifikuar të zhvilloheshin në Muskat këtë të diel nuk do të mbahen. Por diplomacia dhe dialogu mbeten e vetmja rrugë drejt paqes së qëndrueshme”, ka shkruar ai në platformën “X”.
Pas sulmeve të Izraelit mbi objektet bërthamore dhe ushtarake të Irani ishte e paqartë nëse do të mbahej raundi i gjashtë i bisedimeve mes SHBA-së dhe Iranit. Irani ka thënë se është e pakuptimtë që zhvillohen bisedime pas sulmeve.
Irani mohon se programi i tij i pasurimit të uraniumit ka qëllime të tjera përveç atyre civile, duke hedhur poshtë akuzat e Izraelit se po zhvillon fshehurazi armë bërthamore.
Presidenti amerikan Donald Trump ka kërcënuar Iranin të arrijë marrëveshje ose ndryshe do të vazhdojnë sulmet.
Izraeli dhe Irani vazhdojnë sulmet për të dytën ditë
Të shtunën, për të dytën ditë, po vazhdojnë sulmet në Izrael dhe Iran. Të premten Izraeli...-
S’ka datë të re për vazhdimin e bisedimeve SHBA-Iran
-
SHBA-ja dhe Irani do të zhvillojnë të enjten rundin e tretë të bisedimeve
-
Irani aktualisht përjashton bisedimet bërthamore me SHBA-në
-
Irani i bën thirrje SHBA-së të dënojë sulmet izraelite
-
SHBA-ja dhe Irani mbajnë të dielën rundin e 6-të të bisedimeve për programin bërthamor