Presidenti amerikan, Joe Biden, ka paralajmëruar se “nëse lëndoni një amerikan, ne do të përgjigjemi”, ndërkohë që forcat e SHBA-së kanë goditur mbi 80 caqe në Irak dhe Siri në një sulm të gjerë mbi zonat që u përkasin grupeve të lidhura me Iranin.
Biden ka thënë se sulmet kanë nisur si kundërpërgjigje për sulmin me dron që vrau tre trupa amerikane në Jordani.
“Përgjigja jonë filloi sot. Do të vazhdojë në kohë dhe vende që ne i zgjedhim”, ka theksuar ai.
Komanda Qendrore e Ushtrisë Amerikane ka thënë se ka goditur me mbi 125 bomba në sulmin që ndodhi në mesnatë, raportoi Guardian.
Caqet përfshinin qendrat e inteligjencës, raketave, logjistikës, objektet e zinxhirit të furnizimit me municione. Megjithatë nuk u bë e ditur nëse kishte viktima dhe çfarë dëme u shkaktuan.
-
Hakmarrja e SHBA-së për vrasjen e tre ushtarëve në Jordani
-
SHBA-ja nis sulmet ajrore në Lindjen Mesme
-
Bideni thotë se ka vendosur se si do t’i përgjigjet sulmit në Jordani
-
Bideni përballet me presion për ta goditur Iranin pas vrasjes së tre ushtarëve amerikanë
-
Irani mohon se është i përfshirë në sulmin ku u vranë tre ushtarë amerikanë