Ministri izraelit i Sigurisë Kombëtare nga radhët e ekstremit të djathtë, Itamar Ben-Gvir, ka kundërshtuar vendimin e Qeverisë britanike për të vendosur sanksione ndaj tij dhe ministrit të Financave Bezalel Smotrich, ka raportuar The Guardian.
Përmes një njoftimi, Ben-Gvir ka thënë se “ne i mbijetuam Faraonit, ne do t’i mbijetojmë po ashtu Keir Starmerit”. “Do të vazhdojë të punoj për Izraelin dhe për popullin e Izraelit pa frikë”, ka thënë tutje ai.
Ai vazhdoi duke krahasuar vendimin e tanishëm të Qeverisë britanike me dokumentin e politikave të Britanisë së Madhe të vitit 1939 që kufizonte imigracionin e hebrenjve në Palestinë.
Smotrich gjithashtu e quajti vendimin “një letër e bardhë”.
“Britania është përpjekur një herë të na pengojë të vendosim vendbanimin në djepin e atdheut tonë dhe ne nuk do ta lejojmë ta bëjë këtë përsëri”, ka thënë ai. “Ne jemi të vendosur të vazhdojmë ndërtimin”.
Qeveria e Britanisë së Madhe ka njoftuar të martën se do të sanksionojë zyrtarisht të dy ministrat radikalë izraelitë, për shkak të angazhimit dhe deklaratave të tyre lidhur me luftën në Rripin e Gazës.
Britania do t’i sanksionojë dy ministra izraelitë
Qeveria e Britanisë së Madhe do të sanksionojë zyrtarisht dy ministrat izraelitë nga radhët e së...-
Britania do t’i sanksionojë dy ministra izraelitë
-
Starmer: Plani i ri izraelit do të sjellë më shumë gjakderdhje
-
Starmer i quan veprimet e fundit të Izraelit “të patolerueshme” dhe “të tmerrshme”
-
Jep dorëheqje pas armëpushimit ministri izraelit i Sigurisë Kombëtare
-
Ministri nxitës i Izraelit bën thirrje që “i gjithë Libani të digjet”