Banorëve në qytetin e rrethuar afgan, Lashkar Gah, u është bërë thirrje të evakuohen para një operacioni ushtarak kundër talibanëve.
Gjenerali Sami Sadat, që po drejton betejën kundër talibanëve në provincën jugore Helmand, i ka bërë thirrje njerëzve të largohen nga kryeqendra e provincës Lashkar Gah sa më shpejt të jetë e mundur.
Së paku 40 civilë janë vrarë në Lashkar Gah në 24 orët e fundit si rrjedhojë e luftimeve, kanë njoftuar Kombet e Bashkuara.
Talibanët raportohet se kanë marrë shumicën e qytetit. Por luftimet po vazhdojnë dhe forcat qeveritare kanë thënë se nuk do të lënë atë të bie në duar të militantëve.
Artikuj të ngjashëm