-
Përktheu:
Flutura Gashi-Mehmeti
- 11 maj 2024 17:40
- Shpërndaje në:
Ministria ruse e Mbrojtjes ka thënë të shtunën se forcat e Moskës kanë kapur pesë fshatra si pjesë e një sulmi të rinovuar tokësor në verilindje të Ukrainës.
Zyrtarët ukrainas nuk kanë konfirmuar nëse rusët kishin marrë fshatrat, të cilat shtrihen në një "zonë gri" të kontestuar në kufirin e rajonit të Kharkiv të Ukrainës dhe Rusisë, raporton AP.
Gazetarët ukrainas raportuan se fshatrat Borysivka, Ohirtseve, Pylna dhe Strilecha, u pushtuan nga trupat ruse të premten. Autoritetet ruse thanë se fshati Pletenivka u mor gjithashtu.
Instituti për Studimin e Luftës ka thënë të premten se pamjet konfirmojnë se të paktën një nga fshatrat u kap. Studimi me bazë në Washington i përshkroi arritjet e fundit ruse si “taktikisht të rëndësishme”.
Sulmi i ri në rajon ka detyruar më shumë se 1700 civilë që banojnë në vendbanimet pranë luftimeve të ikin, sipas autoriteteve ukrainase.
Edhe
Rusia pretendon se ka pushtuar 5 fshatra në verilindje të Ukrainës
Kjo vjen pasi Rusia shtoi sulmet në mars duke synuar infrastrukturën energjetike dhe vendbanimet, të cilat analistët i parashikuan se ishin një përpjekje e bashkërenduar e Moskës për të krijuar kushte për një ofensivë.
Presidenti ukrainas, Volodymyr Zelensky konfirmoi të premten në mbrëmje se forcat ruse po zgjeronin operacionet e tyre. Ai u bëri thirrje gjithashtu aleatëve perëndimorë të vendit që të sigurojnë që dërgesat e premtuara të ndihmës ushtarake do të arrijnë me shpejtësi në vijat e frontit.
“Është thelbësore që partnerët të mbështesin luftëtarët tanë dhe qëndrueshmërinë ukrainase me dërgesat në kohë. Një paketë që vërtet ndihmon është dërgimi i menjëhershëm i armëve në Ukrainë, dhe jo thjesht shpallja e një pakete”, është shprehur ai.
Sulmi u nis nga dy zona në rajonin e Kharkivit të premten herët, thanë zyrtarët dhe analistët ukrainas.
Edhe
Rusia bën avancime të rëndësishme në jug të Ukrainës, intensifikon sulmet në vijë të frontit
Grupet sulmuese ruse u përpoqën të thyenin linjat mbrojtëse të Ukrainës në qytetin Vovchansk dhe në rajonin në veri të fshatit Lyptsi.
