Arrestohet në Paris një ukrainas-rus që dogji veten me eksploziv

Policia franceze ka arrestuar një 26-vjeçar ukrainas-rus, pasi dogji veten me materiale shpërthyese në një dhomë hoteli në veri të Parisit, ka thënë të mërkurën një burim në zyrën e prokurorisë franceze kundër terrorizmit “PNAT”.

Burri u trajtua nga zjarrfikësit pasi ai "pësoi djegie të konsiderueshme si pasojë e shpërthimit" që ka ndodhur të hënën, ka thënë burimi. Një kontroll i mëpasshëm i dhomës së tij çoi në zbulimin e produkteve dhe materialeve të destinuara për prodhimin e pajisjeve shpërthyese, shtuan ata, raportoi The Guardian. 

Burimi ka thënë se zyra e PNAT, duke punuar me agjencinë vendase të spiunazhit të Francës, kishte hapur një hetim për burrin, i cili dyshohej për pjesëmarrje në një komplot terrorist.

Aeroporti CDG i Parisit, i cili është afër vendit ku u arrestua burri, ka thënë se fluturimet nuk janë prekur.

Franca është në gatishmëri maksimale të kërcënimit me më pak se dy muaj deri në fillimin e Lojërave Olimpike të Parisit. 

Edhe Paris 2024 25 kor 2024 Arrestohen persona të dyshimtë për terrorizëm në Paris

Lojërat zhvillohen në një sfond kompleks gjeopolitik me luftërat në Ukrainë dhe Gaza dhe përbëjnë një sfidë të madhe sigurie.

Muajin e kaluar, shërbimet franceze të sigurisë penguan një sulm të planifikuar në Lojërat, me arrestimin e një çeçeni 18-vjeçar që dyshohet se po përgatitte një sulm vetëvrasës në stadiumin e futbollit të Saint-Etienne.