Departamenti amerikan i Drejtësisë ka ngritur aktakuzë kundër një personi të dyshuar për zbulimin e të dhënave shumë të klasifikuar të SHBA-së në lidhje me planet e Izraelit për t’iu kundërpërgjigjur Iranit, raportuan mediat amerikane të mërkurën.
Aktakuza ndaj Asif W. Rahmanit u ngrit në fillim të këtij muaji për transmetimin e qëllimshëm të të dhënave të mbrojtjes kombëtare.
Ai u arrestua më 12 nëntor në Kamboxhia nga FBI-ja dhe pritet të paraqitet para gjykatës në Guam.
Dokumentet gjyqësore tregojnë se ai ishte i punësuar nga Qeveria e SHBA-së.
Sipas një personi të njohur me punësimin e tij, ai ishte i punësuar nga CIA.
Ky punësim i dha atij leje sigurie të nivelit të lartë dhe i mundësoi qasje në të dhëna të ndjeshme.
Edhe
Dënohet me 3 vjet burgim analisti i CIA-s që zbuloi planin e Izraelit për ta sulmuar Iranin
Gazeta New York Times, që e raportoi e para për këtë, tha se Rahman u akuzua për një shkelje që lidhej me publikimin e të dhënave të inteligjencës amerikane në Telegram në mes të tetorit.
Dokumentet e publikuara nga ai përfshinin planet e Izraelit për lëvizjen e municioneve dhe ushtrimet e Forcës Ajrore Izraelite që përfshinin raketa tokë-ajër./ REL
-
SHBA-ja po heton rrjedhjen e dokumenteve lidhur me planet e Izraelit për ta sulmuar Iranin
-
Irani pretendon se ka siguruar dokumente të ndjeshme bërthamore izraelite
-
FBI-ja po heton rrjedhjen e dokumenteve mbi përgatitjet e Izraelit për ta sulmuar Iranin
-
Kapet një rrjet spiunësh në Izrael, i dhanë Iranit informacione sekrete mbi bazat ushtarake