Autoritetet japoneze po përpiqen ta kapin një ari në Fukushima, pasi ai sulmoi katër persona. Ky ari po vlerësohet si “ekstremisht inteligjent” pasi i shpëtoi kapjes duke zhbllokuar një dritare nga brenda.
Ariu u pa duke pirë ujë nga një rubinet dhe nuk shfaqi reagim kur u godit nga një gjilpërë qetësuese.
Të mërkurën, ariu sulmoi një punëtor në një parking kompanie para se dikush t’i vërsulej me veturë, e më pas kafsha u largua duke u futur brenda kompanisë dhe sulmoi një tjetër burrë e më pas u arratis sërish.
Pasi sulmoi dy personat, ariu u fut në një fabrikë ku punëtorët e panë t’i përdorte putrat për ta hapur rubinetin. Pasi doli nga aty, autoritetet panë se ariu kishte ikur duke e hapur një dritare që ishte e mbyllur.
Në një konferencë urgjente, zyrtarët e Fukushimës thanë se ariu ishte goditur me gjilpërë qetësuese por se nuk e dinin pse nuk kishte pasur efekt.
“Ky ari u pa duke e hapur rubinetin që të pinte ujë dhe dukej i aftë ta hapte një dritare të mbyllur vetë. Besoj se është një ari ektremisht inteligjent”, ka thënë kryetari i qytetit Yuki Baba.
Edhe
Tërmet i fuqishëm në Japoni, shkaktohet cunami, raportohet për dhjetëra të lënduar
Shkollat përreth u mbyllën të enjten, por iu rihapën të premten. Megjithatë, po ndiqen masa shtesë për të siguruar mjedisin nga ariu.
VIDEO:
-
Njerëzit kundër majmunëve: Beteja e Azuminos për bashkëjetesë me natyrën
-
Mendohej se u vra nga ariu, por policia japoneze zbulon se i biri vrau babanë
-
Përmbytje e rrëshqitje dheu në Japoni, mbi 360 mijë persona këshillohen të evakuohen
-
Hawaii dhe disa pjesë të Japonisë e ulin nivelin e alarmit për cunami