Një burrë është gjykuar të mërkurën në Ohio mbi akuzat se ka përdhunuar një 10-vjeçare, rasti i së cilës mori vëmendje kombëtare pas deklaratave të një mjeku, i cili tha se vajza duhej të udhëtonte në Indiana për abortim për shkak të ndalimit në vendin e saj, sipas vendimit historik të Gjykatës Supreme të SHBA-së.
Një hetues ka dëshmuar në gjyq se policia mësoi për shtatzëninë e vajzës pasi u lajmërua përmes nënës së saj më 22 qershor dhe se ajo kishte abortuar në Indianapolis më 30 qershor, raportoi AP-ja.
Mjekja e cila kryen edhe aborte në Indianapolis, Caitlin Bernard, tha se një procedurë aborti ishte kryer te vajza për shkak se abortimi në Ohio me ligjin e ri nuk lejohej.
Gjyqi për të dyshuarin vjen disa ditë pasi disa konservatorë, përfshirë guvernatorin republikan të Ohios, ngritën pyetje nëse rasti i vajzës ishte i vërtetë. Presidenti, Joe Biden, përmendi rastin javën e kaluar.
Është e paqartë nëse gjendja shëndetësore e vajzës mund të quhej emergjencë, e cila nënkupton se duhet të jetë në rrezik për jetë ose dëm serioz të organeve jetësore, që të mund ndryshonte gjendja për abortin në Ohio.
Policia tha se 27-vjeçari i dyshuar e ka pranuar se ka përdhunuar vajzën.
-
Përdhunuesi i 9-vjeçares në SHBA dënohet me burgim të përjetshëm
-
Gjykata e Lartë në SHBA publikon aksidentalisht një opinion për abortin
-
ADN-ja shfajëson burrin 47 vjet pasi u dënua për përdhunim
-
Këngëtari i “Backstreet Boys” akuzohet për përdhunim të një të miture
-
SHBA, një burrë vret të dashurën pasi ajo aborton