Botë

Alarm për bombë në Moskë

 

Policia ruse është duke hetuar personin, i cili të shtunën ka dërguar një alarm të rrem për vendosjen e eksplozivit në stacionin hekurudhor Kursk në Moskë, për shkak të të cilës më shumë se 200 persona janë evakuuar nga hapësirat e stacionit.

“Nuk është gjetur kurrfarë eksplozivi gjatë kërkimit të hapësirës. Stacioni hekurudhor po punon si zakonisht. Policia ka ndërmarrë masa për identifikimin dhe arrestimin e personit që ka dërguar alarmin e rrejshëm anonim”, thuhet në komunikatën e Shërbimit të Njësisë për komunikacion të Ministrisë së Punëve të Brendshme ruse, transmeton TASS, përcjell ksp.