Një studim i Universitetit të Kalifornisë ka bërë disa zbulime shqetësuese për sa i përket zhvillimeve të fundit në Shtetet e Bashkuara të Amerikës, shkruan Euronews.
Në dokumentin me 42 faqe, thuhet se gjysma e amerikanëve presin që një luftë e dytë civile mund të ndodhë në SHBA në vitet e ardhshme.
Ndërkohë, më shumë se 40% e pjesëmarrësve mendojnë se amerikanët e vërtetë po zëvendësohen nga emigrantët – një koncept që njihet si ‘Teoria e Zëvendësimit’.
Po ashtu, 40% thanë se do të preferonin një “lider të fortë” mbi një sistem demokratik.
Ndërkohë, 1 në 5 amerikanë thanë se do të merrnin armë me vete gjatë një proteste të dhunshme të stilit të Capital Hill më 6 janar. Por vetëm 4% thanë se kishte gjasa që ata ta përdornin atë për t’i shtënë dikujt.
Edhe
Sondazhi: Shumë njerëz në SHBA e Evropë druajnë se do të ketë luftë botërore për 5-10 vjet
Vdekjet nga armët në SHBA u rritën me plot 43% nga viti 2010 – 2020 dhe shitjet e armëve u shtuan ndjeshëm gjatë pandemisë.
Një studim i ngjashëm i Tulchin Reasearch muajin e shkuar zbuloi se 44% e amerikanëve mendonin se SHBA-ja po shkonte drejt një lufte civile.
Ndërsa, sondazhi i YouGov javën e shkuar, vuri në pah një rritje të thirrjeve për një ndarje të mundshme të SHBA-së.
1/3 e përkrahësve të ish-presidentit Donald Trump që jetojnë në shtete republikane, thanë se duke parë mënyrën se si liberalët po ndërhyjnë në legjislacion dhe mënyrën se si ata po “shkatërrojnë vlerat e familjes amerikane”, ata do të ishin pro “ndarjes në dysh të Amerikës dhe formimit të një shtetit të pavarur të përbërë nga shteteve konservatore”.
Sidoqoftë, 30% e tyre ishin kundër kësaj ideje.
Edhe
12 milionë amerikanë justifikojnë dhunën për ta rikthyer Trumpin në pushtet
Sipas studiuesve në Universitetin e Kalifornisë këto rezultate “kalojnë edhe pritshmëritë e tyre më të këqija”.
Por sipas tyre, mund të mos ketë ende vend për panik, pasi shumica e pjesëmarrësve në studim ishin “kategorikisht kundër dhunës politike”.
