Të paktën 150 persona janë arrestuar që nga e shtuna në Britaninë e Madhe në protestat e grupeve të ekstremit të djathtë që po zhvillohen për shkak të vrasjes së tri vajzave të mitura në Southport.
Trazira pati në Hull, Liverpool, Bristol, Manchester e Blackpool në Angli, si dhe Belfast në Irlandën e Veriut.
Policia u është përgjigjur skenave të dhunshme, ndërsa kryeministri Keir Starmer është deklaruar rreth ndodhive, duke i dënuar sulmet.
Ai tha se ata që kanë marrë pjesë në trazira do të përballen me forcën e plotë të ligjit.
“Nuk ka vend në rrugët tona për protesta të grupeve të së djathtës ekstreme. Do të pendoheni që keni marrë pjesë qoftë drejtpërdrejt, apo edhe për nxitje të këtij veprimi”, ka thënë Starmer.
Ai do të mbajë gjatë ditës takim për reagim urgjent, të quajtur takim “Cobra”, i cili zhvillohet nga një komitet i reagimit emergjent i përbërë nga ministra, nëpunës civilë, polici e oficerë të inteligjencës.
Gjatë viteve të fundit, takimet e Cobras janë mbajtur rregullisht gjatë pandemisë Covid-19 dhe në vitin 2019 pas përmbytjeve në Angli.
VIDEO - Pamje nga protestat:
BREAKING: Leader of Reform UK, Nigel Farage is calling for Parliament to be recalled over the widespread anti-immigration riots
UK riots latest ➡️ https://t.co/fZZYifldqt
📺 Sky 501, Virgin 602, Freeview 233 and YouTube pic.twitter.com/UUCAmoC2P2— Sky News (@SkyNews) August 5, 2024
VIDEO | Deklarimi i kryeministrit Starmer:
I utterly condemn the far-right thuggery we have seen this weekend.
Be in no doubt: those who have participated in this violence will face the full force of the law. pic.twitter.com/uNeJtD8pCQ
Starmeri do të mbajë një mbledhje emergjente, teksa protestat përshkallëzohen
Kryeministri britanik, Keir Starmer do të mbajë një mbledhje emergjente me shefat e policisë të hënën, pas përshkallëzimit të protestave anti-imigrim, në të cilat u dogjën ndërtesa e automjete dhe u shënjestruan hotele me azilkërkues.
Protestat kanë nisur përgjatë qyteteve të Britanisë javën e kaluar, pasi tri vajza të mitura janë vrarë nga një sulm me thikë në Southport, dhe gjatë tyre janë arrestuar 420 persona.
Vrasjet u përdorën nga grupet anti-imigrante dhe anti-myslimane, ndërsa u shpërndanë informacione të gabuara online se sulmuesi i dyshuar është mysliman radikal që sapo ka mbërritur në Britani. Policia ka thënë se i dyshuari ka lindur në Britani dhe se nuk është duke e trajtuar si incident terrorist.
Ministrja e Brendshme Yvette Cooper, ka thënë se protestuesit janë ndjerë “të guximshëm për të nxitur urrejtje racore”, duke hedhur tulla drejt oficerëve të policisë, grabitur dyqane dhe sulmuar xhami e biznese aziatike.
Gjatë fundjavës protestat nisën në Liverpool, Bristol, Tamworth, Middlesbrough dhe Belfast, me shumë djem të rinj me maska dhe flamuj britanik duke bërtitur “Ndaloni varkat”, referencë e mënyrës së ardhjes së imigrantëve.
Në Roterham, protestuesit u përpoqën të hynin në një hotel që strehonte azilkërkues.
