Greqi, tre të vdekur pas përplasjes së varkës që transportonte emigrantë

Tri vajza kanë humbur jetën ndërsa 16 persona të tjerë kanë arritur të shpëtojnë pas përplasjes së një varke që transportonte emigrantë, me shkëmbinj, në ishullin lindor grek të Chios. 

Zyrtarët grekë kanë njoftuar se 14 persona, duke përfshirë dy burra, katër gra dhe tetë fëmijë janë shpëtuar nga roja bregdetare në një zonë në verilindje të ishullit, rreth 20 kilometra larg nga bregu turk.

Në breg u gjetën edhe dy burra të tjerë.

Zyrtarët e rojës bregdetare i thanë Associated Press se tri nga anijet e saj patrulluese dolën në zonë për të kërkuar të mbijetuar të tjerë të mundshëm, ndërsa varka besohet se është fundosur.